ბორჯომში სპორტულ ოლიმპიადაში გამარჯვებული მოსწავლეები დააჯილდოვეს

თასები, მედლები, სიგელები და სპორტული ინვენტარი ბორჯომის №1, №3, №4 და დაბა ბაკურიანისა და დაბა ახალდაბის საჯარო სკოლების მოსწავლეებს დაკავებული ადგილების მიხედვით გადაეცათ.

შეჯიბრებები მაგიდის ჩოგბურთში, გეზრბენში, მინი ფეხბურთში, კალათბურთსა და ფრენბურთში 1 თვის განმავლობაში მიმდინარეობდა.

პირველ ადგილზე გასული გოგონათა და ვაჟთა გუნდები ახალციხეში, რეგიონალურ სასკოლო ოლიმპიადაში იასპარეზებენ, რომლის გამარჯვებულიც ანაკლიაში გაემგზავრება.

ბორჯომის მუნიციპალიტეტში სკოლებს შორის შეჯიბრებები ყოველწლიურად იმართება..ბოლო ორი წელია ეს ტურნირები ოლიმპიადის ფარგლებში მიმდინარეობდა, რომელის ინიციატორი საქართველოს სპორტისა და ახალგაზრდობის საქმეთა სამინისტრო და ადგილობრივი მუნიციპალიტეტია.



[sknews.ge]