რეგიონული ტურნირი მინი ფეხბურთში

ფოტო: © ახალციხის გამგეობა

პირველობისათვის ახალქალაქის, ნინოწმინდის, ასპინძის, ადიგენის, ბორჯომის, ქალაქ ახალციხისა და ახალციხის მუნიციპალიტეტის გუნდები იბრძვიან.

ვინ გახდება რეგიონის გამარჯვებული „სასკოლო სპორტულ ოლიმპიადაში“ თამაშების შედეგად გაირკვევა.

შესარჩევ ტურნირში ახალციხის მუნიციპალიტეტის საჯარო სკოლების 9 გუნდი მონაწილეობდა. ნახევარ ფინალში გურკელის, ვალის II, მუსხისა და აწყურის საჯარო სკოლების გუნდები გადავიდნენ. ფინალში კი ერთმანეთს მუსხისა და აწყურის გუნდები დაუპირისპირდნენ. შესარჩევი ტურნირის გამარჯვებული აწყურის საჯარო სკოლის გუნდი გახდა.

მინი ფეხბურთის ჩემპიონატი ახალციხის მუნიციპალიტეტის გამგეობისა და მერიის კულტურის სამსახურების ორგანიზებით ტარდება.

[sknews.ge]