მინი ფეხბურთში, სასკოლო ოლიმპიადის გამარჯვებული ახალციხის გუნდი გახდა

სპორტული ღონისძიება ახალციხის სასპორტო სკოლაში, დღეს 15 აპრილს ჩატარდა, რომელშიც მონაწილეობა ახალციხის, ადიგენის, ასპინძის, ნინოწმინდის და ბორჯომის საჯარო სკოლების გუნდებმა მიიღეს.

ფინალში ერთმანეთს ახალციხის და ასპინძის საჯარო სკოლების გუნდები დაუპირისპირდნენ. გამარჯვება ახალციხის მეხუთე საჯარო სკოლის გუნდმა მოპოვა და მეტოქე ანგარიშით 6:0 დაამარცხა.

"პირველად ნინოწმინდის გუნდს ვეთამაშეთ და 7:1 მოვიგეთ, შემდეგ ასპინძის გუნდს შევხვდით და 6:0 დავამარცხეთ. იმედი მაქვს ზონალურ თამაშშიც კარგ შედეგს ვაჩვენებთ", – ამბობს ახალციხის მეხუთე საჯარო სკოლის მოსწავლე ოთო ელიოსიძე.

„სასკოლო სპორტული ოლიმპიადა – 2018“–ის ფარგლებში დასრულდა რეგიონული ჩემპიონატი. სამცხე–ჯავახეთის მასშტაბით პირველ ადგილზე გასული გუნდები სხვა რეგიონების გამარჯვებულ გუნდებს დაუპირისპირდებიან.

ზონალური თამაშები მაისში, თბილისში ჩატარდება. ფინალურ თამაშში კი, რომელიც ივნისში გაიმართება საქართველოს მასშტაბით გამარჯვებული გამოვლინდება. 2018 წლის ჩემპიონის სტატუსის მქონეები 2019 წლის ჩემპიონებს სუპერფინალში შეხვდებიან და 2020 წელს მსოფლიო სასკოლო ჩემპიონატის საგზურისათვის იბრძოლებენ.





[თინათინ ზაზაძე, ახალციხე]