ახალციხის თემების სასკოლო კლუბები კატასტროფების რისკის შემცირების გზებზე დაფიქრდნენ

შეხვედრა ბუნებრივი კატასტროფების რისკების შემცირების საერთაშორისო დღეს მიეძღვნა. სად რა ვითარებაა და როგორ შეიძლება მათი მოგავრება, ამის შესახებ ახალციხის ადგილობრივ ხელისუფლებას სამოქალაქო პროგრამა „მომავლის თაობის“ ფარგლებში შექმნილი სასკოლო კლუბების წევრები ესაუბრნენ.

გამგეობის თანამშრომლების წინაშე 9 სასკოლო კლუბი წარსდგა.

„ჩვენ ჩვენს სოფელში არსებულ მეწყერის საშიშროებაზე ვისაუბრეთ, ჩვენი გამოსვლა მოეწონათ და იმედი გვაქვს, პრეზნტაციამაც დააფიქრათ“, - ამბობს ერთ-ერთი სამოქალაქო კლუბის ლიდერი ანა ზედგინიძე.

შეხვედრა ახალციხის მუნიციპალიტეტის გამგობის შენობში შედგა. პრეზენტაციას სამცხე-ჯავახეთის მასშტაბით პარტნიორი საჯარო სკოლების მოსწავლეები, ადგილობრივი თვითმმართველობის, არასამთავრობო ორგანიზაციების, ახალციხის, ასპინძისა და ახალქალაქის მუნიციპალიტეტის რესურს ცენტრებისა და ახალციხის ახალგაზრდული ცენტრის წარმომადგენლები ესწრებოდნენ.

პროგრამა „მომავლის თაობა“ ამერიკული ორგანიზაცია PH International-ის მიერ ამერიკის შეერთებული შტატების საერთაშორისო განვითარების სააგენტოს (USAID) დაფინასებით და საქართველოს განათლებისა და მეცნიერების სამინისტროს მხარდაჭერით ხორციელდება. პროგრამაში სამცხე-ჯავახეთის 42 საჯარო სკოლაა ჩართული.

[თეონა თაბუნიძე, ახალციხე]