ახალციხის ციხის დირექტორი მერაბიშვილის განცხადებას სიცრუეს უწოდებს

ბლიაძე ამბობს, რომ ყოფილი პრემიერ მინისტრის განცხადება, იმის შესახებ, თითქოს ციხის ტრიტორია მაღაზიებმა გაზრდილი გადასახადების გამო დატოვეს, სიმართლეს არ შეესაბამება.

- ”ხელშეკრულებების ვადა ჯერ არ ამოწურულა, ამიტომ ვერაფერს შევუცვლიდით, - აცხადებს ბლიაძე და ამატებს, რომ ციხის ტერიტორიიდან მაღაზიების გასვლის მიზეზი საზონიცაა - დამთვალიერებლების რაოდენობა ნაკლებია, ამის გამო გადაწყვიტეს მეპატრონეებმა, რომ დროებით შეეჩერებინათ ფუქნციონირება”.

ბლიაძის თქმით, ამ დრომდე ციხის ადმინისიტრაციას ხელშეკრულების შეწყვეტის მიზნით, მხოლოდ სამმა შპს-მ მიმართა, დანარჩენებს კი ინვენტარი ციხის ტერიტორიაზე აქვთ: ”მუშაობას ტურისტების მატებისთანავე განაახლებენ”.

ამ დროისთვის ახალციხის ციხეში 75 ადამიანია დასაქმებული. ციხის გახსნისას კი აქ 100 თანამშრომელი იყო.

”როცა ციხე გახსნეს, დირექტორი მე არ ვიყავი. მაშინ მომსახურე პრესონალის დამატება დასჭირდათ და შტატგარეშე ხელშეკრულებებით აიყვანეს თანამშრომლები, დამლაგებლები და მეეზოვეები. მათ ხელშეკრულებები 31 დეკემბრამდე ჰქონდათ გაფორმებული და პირველი იანვრიდან შევუწყვიტეთ, რადგან, როცა ციხეზე დღეში სულ 100 კაცი შემოდის მას 100 მომსახურე პერსონალი არ სწირდება”. - ამბობს ბლიაძე.

მისივე თქმით, თანამშრომელბის ნაწილი მხოლოდ დროებითაა შემცირებული და ტურისტების მატებასთან ერთად მათ სამსახურში კვლავ დააბვრუნებენ: ”დამთვალიერებლების მატებას აპრილ-მაისიდან ველოდებით”.

რაც შეეხება ორი დღის წინ მერაბიშვილის ვიზიტს ახალციხის ციხეზე, ბლიაძე ამბობს, რომ ყოფილ პრემიერს მისი ნახვის სრუვილი არ გასჩენია: ’კლვირა დღე იყო და ვისვენებდი, როცა შევიტყვე რომ აქ იყო მოვედი, მაგრამ უკვე წასული დამხვდა. არ დაინტერესებულა ჩემთვის ეკითხა, თუ რატომ იყო რიგირ ობიექტები დაკეტილი”.

შეგახსენებთ, გუშინ ვანო მერაბიშვილის ფეისბუქის გვერდზე გავრცელდა ვიდეომასალა ’რაბათი დღეს’. ვიდეორგოლში ვანო მერაბიშვილი, რომელსაც თან ახლავს მხარის გუბერნატორი ივანე წიკლაური, ახალციხის ციხის ტერიტორიას ათვალიერებს, სადაც ყველა ბრენდული მაღაზია დაკეტილი ხვდება. მას გუბერნატორი უხსნის, რომ მაღაზიები მეპატრონეებმა გადასახადების გაზრდის გამო დატოვეს.

[თამუნა უჩიძე, ახალციხე]