კახა კალაძე: ”როგორც კი ბიზნესი გათავისუფლდა, კომპანიების ნაწილმა ახალციხის ციხის ტერიტორია ნებაყოფლობით დატოვა”

საქართველოს ენერგეტიკისა და ბუნებრივი რესურსების მინისტრმა კახა კალაძემ დღეს ახალციხეში შავი ზღვის ელექტროგადამცემი ქვესადგურის დათვალიერების შემდეგ ახალციხის ციხეც მოინახულა.

- ”გუშინ, მერაბიშვილის მიერ გაკეთებული განცხადების შემდეგ დავინეტერესდი რა ხდებოდა ციხეზე და დავრწმუნდი იმაში, რომ ეს ადამიანი და ზოგადად ”ნაციონალური მოძაროაბა” აგრძელებს იმის მცდელობას, რომ სიცრუეში ამყოფოს მოსახლეობა”, - განაცხადა კალაძემ.

მას თან ჰქონდა საბუთები, რომლებიც ფინანსთა სამინისტრომ მიაწოდა: ”ადამიანებსა და კომპანიებს, ვისაც იჯარით ჰქონდა აღებული აქ ფართი, 2013 წლამდე აქვთ გაფორმებული ხელშეკრუებები და წინასწარ აქვთ გადახდილი თანხა, მაგალითად 65 ათასი, 30 ათასი, 29 ათასი, 35 ათასი. არავის მაღალი გადასახადების გამო არ დაუტოვებია ციხე. ეს მოხდა მხოლოდ და მხოლოდ იმის გამო, რომ სეზონი არ არის და ციხეზე დამთავალიერებლებიც არ არიან”.

კალაძეს უკვირს, რამდენი უნდა ნახოს მოგება ახალციხეში მაღაზიამ, რომ მაგალითად 65 ათასი ამოიღოს: ”წარმოუდგენელია ასეთი რამ. ამიტომ ეს ხდებოდა ზეწოლით და როგორც კი ბიზნესი გათავისუფლდა, კომპანიების ნაწილმა ციხის ტერიტორია ნებაყოფლობით დატოვა. აქ მუშაობა აღარ უღირდათ”.

კალაძის განცხადებით, მერაბიშვილთან დაახლოებული პირები ციხის ტერიტორიაზე არაფერს იხდიდნენ: ”ხელში მაქვს დოკუმენტი, სადაც გადასახადების გრაფა რიგი პირებისა და კომპანიების გასწვრივ ცარიელია. ასეთებს მერაბიშვილი გადასახადებისგან ათავისუფლებდა”.

რაც შეეხება ახალციხის ისტორიულ, რაბათის უბანში პროექტის მეორე ნაწილს, რომელიც ციხის რეაბილიტაციისას იგეგმებოდა, კალაძე ამბობს, რომ თუ ეს მიზანშეწონილად მიიჩნევა, აუცილებლად გაკეთდება: ’წინა ხელისუფლება მიზანშეწონილობიდან გამომიდინარე არაფერს აკეთებდა”.

[თამუნა უჩიძე, ახალციხე]