ახალციხის ციხის დირექტორი გოკა გაბაშვილის განცხადებას სიცრუეს უწოდებს

აღნიშნული განცხადება გოკა გაბაშვილმა გუშინ გამართულ ბრიფინგზე გააკეთა. მისი თქმით, ”ნაციონალური მოძრაობის” წინააღმდეგ რეგიოენებში ზეწოლები ხდება. სამცხე-ჯავახეთში კი განსაკუთრებით ახალციხის ციხის დირექტორი გუჯა ბიჭაშვილი აქტიურობდა.

თუმცა, გუჯა ბიჭაშვილი ამ ინფორმაციას სიცრუეს უწოდებს და ამბობს, რომ მას არ აქვს უფლება, რომ პასუხი გასცეს ”ცოცხების პარტიის” რომელიმე წარმომადგენელს.

”ცოცხების პარტიასთან არანაირი საერთო არ მაქვს. ეს არ შესაბამება სიმართლეს. მე მათ არანაირ პასუხს არ გავცემ, ეს სირცხვილია”, - ამბობს გუჯა ბიჭაშვილი.

[თამარ თოთაძე, ახალციხე]