ეტაპი II - ახალციხეში გზების ორმული შეკეთება გრძელდება [Photo]

მთავარი → სიახლე, ეკონომიკა, საზოგადოება 24.03.2017

შპს "ოცხემ", ახლაციხის ცენტრალურ ქუჩებში, ნაზამთრალი და დანგრეული გზების, ორმული და სასურათე შეკეტების მეორე ეტაპი დაიწყო.

ფოტო: © ახალციხის მერია

ფოტო: © ახალციხის მერია

შეგახსენებთ, ქალაქ ახალციხეში ცენტრალურსა და შიდა ქუჩებზე ასფალტის საფარი იმდენად დაინგრა რომ გადაადგილება ავტომანქანებისთვისაც საშიშია და ფეხით მოსიარულეებისთვისაც. 2017 წელს ახალციხის შიდა გზების მოვლა–შეკეთება შპს „ოცხეს“ ევალება. „ოცხე“ ერთადერთი კომპანია იყო, რომელიც 2016 წლის 16 დეკემბერს გამოცხადებულ ტენდერში მონაწილეობდა და შესაბამისად, ტენდერი, 150.000 ლარით, ამ კომპანიამ მოიგო. "ოცხესა" და მერიას შორის ხელშეკრულება 2017 წლის 30 იანვარსაა გაფორმებული. სატენდერო დოკუმენტაციის მიხედვით, შპს „ოცხეს“დაზიანებული ასფალტო – ბეტონის საფარის ორმული და სასურათე შეკეთება; ტროტუარების რეაბილიტაცია და ზამთარში გზების მოვლა-შენახვა ევალება.

კომპაიამ გზების შეკეთება თოვლის ადნობისთანავე დაიწყო. ეს გზების შეკეთების მეორე ეტაპია.

ახალციხის მერიაში ამბობენ, რომ წელს გზების კაპიტალური შეკეთება და ასფალტის საფარის განახლება დაგეგმილი არ არის, რადგან ბიუჯეტს საჭირო თანხა არ აქვს.

[sknews.ge]