ახალციხეში ნაზამთრალი გზის შეკეთება დაიწყეს [Photo]

შეგახსენებთ, ქალაქ ახალციხეში ცენტრალურსა და შიდა ქუჩებზე ასფალტის საფარი იმდენად დაინგრა რომ გადაადგილება ავტომანქანებისთვისაც საშიშია და ფეხით მოსიარულეებისთვისაც.

ახალციხის მერიაში გზების დაზიანებას უხვთოვლიან და ყინვებიან ზამთარსა და ტექნიკურ მარილს უკავშირებენ და ამბობენ, რომ გაჩენილ ორმოებს კი ის კომპანია მიხედავს, რომელიც 2017 წელს შიდა გზების მოვლა–შეკეთებაზეა პასუხისმგებელი.

2017 წელს ახალციხის შიდა გზების მოვლა–შეკეთება შპს „ოცხეს“ ევალება. კომპანიის დირექტორი ოთარ ჩილინგარაშვილი ამბობს, რომ ვიდრე ამინდი არ გაუმჯობესდება, შეკეთებას ვერ დაიწყებენ, ერთადერთი რაც ამ ეტაპზე შეიძლება გაკეთდეს, ორმოების დროებითი ამოვსებაა.

[მარიამ ბარძიმაძე, ახალციხე]