ახალციხეში გზების ორმული შეკეთება დაიწყო

შპს „ოცხემ“ ქალაქის ცენტრალურ ქუჩებზე ორმული შეკეთება დღეიდან, 18 აპრილიდან დაიწყო.

კომპანიამ ახალციხის მერიის მიერ გამოცხადებული ტენდერი 100 000 ლარად მოიგო. სამუშაოების განსახორციელებლად ვადა 31 დეკემბრამდე აქვს. აღნიშნულ კომპანიას ქალაქის ცენტრალური ქუჩების მხოლოდ ორმული შეკეთების ვალდებულება აქვს, რაც შეეხება გზების კაპიტალურ რეაბილიტაციას, მერიაში ამბობენ, რომ მიმდინარე წელს, ამისთვის თანხა გათვალიწინებული არ აქვთ.

მიმდინარე წელს, შპს „ოცხე" მეორე კომპანიაა, რომელთანაც ახალციხის მერიამ ქალაქის ცენტრალური გზების ორმული შეკეთებისათვისათვის ხელშეკრულება გააფორმა.

პირველად გზების შეკეთება შპს „დავითს“ ევალებოდა. კომპანიამ მერიის მიერ გამოცხადებული ტენდერი 63 541 ლარით მოიგო, ამ თანხით შპს „დავითს“, სამი იანვრიდან სამ აპრილამდე გზების მოვლა–შენახვაზე უნდა ეზრუნა, თუმცა, ხელშეკრულების ვადა ისე გაუვიდა, რომ კომპანიამ მხოლოდ 36 379 ლარი, ანუ 57.25% აითვისა. ახალციხის მერიაში ეს უამინდობით ახსენს.

[ლუბა გიორგაძე, ახალციხე]