რა თანხას დახარჯავს ახალციხის მერია გზების მოვლა–პატრონობისთვის

სატენდერო დოკუმენტაციების მიხედვით ქალაქის გზებისთვის მოვლა–პატრონობისთვის 68 962 ლარზეა გამოცხადებული, ხოლო ქალაქ ვალის და მუნიციპალიტეტის დანარჩენი სოფლებისთვის კი 142 792 ლარზე.

ორივე ტენდერი ახალციხის მუნიციპალიტეტის მერიამ 1–ელ დეკემბერს გამოაცხადა. წინადადებების მიღება 20 დეკემბერს დაიწყება და 25 დეკემბერს დასრულდება.

ტენდერში გამარჯვებულმა კომპანიამ სამი თვის განმავლობაში უნდა უზრუნველყოს ხრეშოვანი საფარის მქონე გზების მოვლა–შენახვა, დაზიანებული ასფალტო–ბეტონის საფარის ორმული შეკეთება, ტროტუარების, სკვერების და არხების მოვლა–პატრონობა და ზამთრის პერიოდში გზებსა და ტროტუარებზე ტექნიკური მარილის მოყრა და დასუფთავება.

[თინათინ ზაზაძე, ახალციხე]