ახალციხეში გზების ორმული შეკეთება დროებით შეჩერდა

ახალციხის ქუჩებში მიმდინარე სამუშაოები შეჩერებულია. როგორც შპს „ოცხეს“ დირექტორი „სამხრეთის კარიბჭესთან“ აცხადებს, სამუშაოების შეწყვეტა ამინდის გაუარესებამ გამოიწვია.

„ორმული შეკეთების პირველი ეტაპი დასრულებული გვაქვს. ასფალტის დაზიანებული საფარი ძირითადად ახალციხის ცენტრალურ ქუჩებზე გავასწორეთ. ახლა ქალაქის გარეუბნები დაგვრჩა, როგორც კი ამინდი გამოსწორდება, სამუშაოებს დავიწყებთ“,– ამბობს იური მელიქიძე.

ახალციხის ქუჩებში სამუშაოები შპს „ოცხემ“ 18 მარტიდან დაიწყო. სწორედ აღნიშნულ შპს–ეა 2016 წელს ქალაქის შიდა გზების მოვლა–პატრონობაზეა პასუხისმგებელი. ამ კონკრეტული სამუშაოებისთვის შპს „ოცხე“ 15.000 ლარამდე თანხას ხარჯავს.

[ლუბა გიორგაძე, ახალციხე]