ხანძარი ახალციხეში - ცეცხლი სახლის სახურავს გაუჩნდა[Photo]

რუსთაველის N10-ში მდებარე სახლის სახურავს ცეცხლი დღეს, 14 დეკემბერს, დაახლოებით 15:30 საათზე გაუჩნდა. ცეცლის ლოკალიზება ბინის მფლობელმა მეზობლების დახმარებით შეძლო.

ადგილობრივები ფიქრობენ, რომ ხანძარი შპს „ინტერგაზის“ თანამშრომლების მიერ ჩატარებულმა სამუშაოებმა გამოიწვია.

„სახლში ვიყავი, დავინახე მეზობლის სახლს ცეცხლი ეკიდა, დავავლე ვედროს ხელი და ჩავაქრეთ. სახანძრო რომ მოვიდა, თითქმის ჩამქრალი გვქონდა. გაზის მილს ჭრიდნენ და სავარაუდოდ ცეცხლი ნაპერწკლისგან გაჩნდა“, – ამბობს რუსათაველის ქუჩაზე მცხოვრები გარიკ ჯანოიანი.

შპს „ინტერგაზის“ იმ თანამშრომლებმა, რომლებიც შემთხვევის ადგილზე მუშაობენ, კომენტარზე უარი განაცხადეს. „სამხრეთის კარიბჭეს“ კითხვაზე, მომხდარი შეწყვეტილი გაზის მიწოდების ვადაზე ადრე აღდგენამ ხომ არ გამოიწვია, თანამშრომლებმა განაცხადეს, რომ ეს კავშირში არაა, გაზი ისედაც გადაკეტილი ჰქონდათ.

შემთხვევის ადგილზე მობილიზებული იყო სახანძრო–სამაშველო სამსახურისა და სასწრაფო სამედიცინო დახმარების ბრიგები და პოლიცია.











[თინათინ ზაზაძე, ახალციხე]