ახალციხეში სამი სახლის სახურავი იწვის

ახალციხეში, მესხეთის ქუჩაზე ერთი საცხოვრებელი სახლის სახურავზე ხანძარი დაახლოებით 23:00 საათზე განჩდნა, თუმცა ძლიერი ქარის გამო ცეცხლი გვერდით მდგომ ორი სახლის სახურავსაც მოედო.

ხანძრის ლოკალიზებას სამი სახანძრო მანქანა ცდილობს. ადგილზე მობილიზებულია საპატრულო პოლიცია და სასწრაფო სამედიცინო დახმარების ჯგუფიც. თუმცა, სამედიცინო დახმარება არავის დასჭირვებია. ხანძრის შედეგად არავინ დაშავებულა.

შემთხვევის ადგილზე იმყოფება ახალციხის მერი ვლადიმერ ზედგინიძე.

ამ წუთებში მეხანძრეები სახურავების ჩამტვრევას ცდილობენ. მათი თქმით, ასე ცეცხლი ზევით წავა და სახლებს აღარ მოედება.

ხანძრის გაჩენის მიზეზი ამ დროისთვის უცნობია. მომხდარზე ძიება სისხლის სამართლის კოდექსის 187–ე მუხლის მეორე ნაწილით მიმდინარეობს, რაც სხვისი ნივთის დაზიანებას ან განადგურებას გულისხმობს.



[sknews.ge]