ახალციხეში საცხოვრებელი სახლის სახურავს ცეცხლი გაუჩნდა

ახალციხის სამაშველო-სახანძრო სამსახურში შეტყობინება 12:25 საათზე შევიდა. მეხანძრეების თქმით, ხანძრის შესახებ ინფორმაცია საგანგებო სიტუაციების მართვის ცენტრმა, 112-მა გადმასცათ. კოსტავას #41-ში ხუთსართულიანი კორპუსის სახურავზე კვამლი საკვამურიდან ამოდიოდა.

„კორპუსის საკვამურში იყო კვამლი, როცა ავხადეთ თუნუქი, ცეცხლი გაჩნდა. იყო საშიშროება, რომ სხვენში ცეცხლი გაჩენილიყო, ამ ეტაპზე ხანძარი ლიკვიდირებულია“, - განმარტავს ახალციხის სამაშველო-სახანძრო სამსახურის მეხანძრე ედუარდ ინასარიძე.

რამ გამოიწვია ხანძარი მეხანძრეები ვერ აკონკრეტებენ.

[sknews.ge]