"აუტიზმი და საზოგადოება" – დისკუსია ახალციხეში

შეხვედრას "მწვანე სახლის" ახალციხის ფილიალის დირექტორი ელისო თათეშვილი უძღვებოდა.

"დღეს საზოგადოება ნაკლებად ინფორმირებულია აუტიზმზე და ვფიქრობ, რომ ეს შეხვედრა მნიშვნელოვანი იყო", – ამბობს ახალციხის თემის ინკლუზიური სკოლამდელი განათლების სპეციალისტი იამზე ნადირაძე

შეხვედრის დასაწყისში აჩვენეს ბერნარ რიშარის ფილმი "ბავშვები მწვანე ვარდიდან“. ფილმი აუტიზმის მქონე ბავშვებზე და მშობლებთან მათ ურთიერთობაზეა. ფილმში ასევე არის ფსიქოლოგთა და თერაპევტთა შეხედულებები, რჩევები იმის შესახებ, როგორი უნდა იყოს აუტიზმის მქონე ბავშვების გარემო.

შეხვედრას ადგილობრივი თვითმმართველობისა და არასამთავრობო ორგანიზაციების წარმომადგენლები, ასევე, ახალგაზრდები, ბიბლიოთეკის თანამშრომლები და ინკლუზიური განათლების პედაგოგები ესწრებოდნენ.



[მარიამ ბარძიმაძე, ახალციხე]