ახალციხეში ინკლუზიური განათლების შესახებ რეგიონული კონფერენცია მიმდინარეობს

სამცხე–ჯავახეთის ინკლუზიური განათლების რეგიონული კონფერენცია სამცხე–ჯავახეთის მულტიდისციპლინარული გუნდის წევრების ნინო ნადირაძის და ხათუნა ბალახაშვილის ორგანიზებით ტარდება.

„დღევანდელ კონფერენციაზე ვისაუბრებთ საგანმანათლებლო სისტემაში ინკლუზიური განათლების მიღწევებსა და გამოწვევებზე. შეხვედრას ესწრება ყველა ის საგანმანათლებლო რგოლი, რომელიც ემსახურება სპეციალური საგანმანათლებლო საჭიროების მქონე მოსწავლის განვითარებას“, – განაცხადა სამცხე–ჯავახეთის მულტიდისციპლინარული გუნდის წევრმა ნინო ნადირაძემ.

შეხვედრის მონაწილეები ერთმანეთს ინკლუზიური განათლების კუთხით მიღებულ ცოდნას და გამოცილებას გაუზიარებენ. გარდა ამისა განიხილავენ გაკვეთილის ჩატარების გეგმას.

„წელს ყველა პედაგოგი ტვირთავს ბავშვის ინდივისდუალურ და 3 საგაკვეთილო გეგმას. ახალი იყო და გაუჭირდათ პედაგოგებს, ამიტომ გავაკეთებთ პრეზენტაციას თუ როგორ არის აქტივობები განაწილებული მთელი კლასის ფონზე“, – განმარტავს ნინო ნადირაძე.

ინკლუზიური განათლება სამცხე–ჯავახეთში 2009 წლიდან დაინერგა, პირველი სამიზნე სკოლა ახალციხის N5 საჯარო სკოლა იყო. ამ ეტაპზე, სამცხე–ჯავახეთში, 204 საჯარო სკოლიდან ,ინკლუზიური განათლების სწავლების პროცესში 76 სკოლაა ჩართული, სადაც 255 სპეციალური საგანმანათლებლო საჭიროების მქონე მოსწავლე სწავლობს.

სამცხე–ჯავახეთის სახელმწიფო უნივერსიტეტში 2006 წლიდან ინკლუზიური განათლების სპეციფიკა ისწავლება. დღევანდელ კონფერენციაზე სიტყვით გამოვლენ ახალქალაქელი და ნინოწმინდელი სტუდენტები, რომლებიც მეტყველების დაქვეითების მქონე მოსწავლესთან მუშაობის გამოცდილებაზე ისაუბრებენ.

კონფერეციაში მონაწილეობენ რეგიონის სკოლამდელი აღზრდის დაწესებულებათა გაერთიანებისა და საგანმანათლებლო რესურსცენტრების ხელმძღვანელები და მათი სპეცმასწავლებლები, ასევე არასამთავრობო ორგანიზაციების, პროფესიურული სასწვლებლის და სამცხე–ჯავახეთის სახელმწიფო უნივერსიტეტოს წარმომადგენლები. კონფერენცია ახალციხის მერიის და არასამთავრობო ორგანიზაციაWorld Vision-ის მხარდაჭერით ტარდება. კონფერენციას ესწრებიან მულტიდისციპლინარული გუნდის წევრები ქვეყნის სხვადასხვა რეგიონებიდანაც.



[თინათინ ზაზაძე, ახალციხე]