სასამართლოში ვეტერანების საქმის განხილვა იწყება

ახალციხის მერიის სარჩელს, რომლის თანახმადაც, თვითმმართველობა პეტრე იბერის ქუჩაზე N17-ში მდებარე ყოფილი სკოლის შენობაში უნებართვოდ შესახლებულების დაუყოვნებლივ გამოსახლებას ითხოვს, მოსამართლე გიორგი ლონდარიძე განიხილავს.

ახალციიხს მერიის იურისტმა მერი გოგოლაურმა სამოქალაქო სარჩელი სასამართლოში პირველ თებერვალს შეიტანა: „მოსამზადებელი სხდომა ორ მარტს გაიმართება. ჩვენი სასარჩელო მოთხოვნაა ვეტერანებმა ეს შენობა დაუყოვნებლივ დატოვონ“.

შეგახსენებთ, რომ ახალციხეში, პეტრე იბერის ქუჩაზე N17-ში მდებარე შენობა, სადაც წლების წინ სკოლა – ინტერნატი იყო განთავსებული, 24 სექტემბერს 9 ოჯახმა უნებართვოდ დაიკავა. აღნიშნული შენობა ახალციხის მერიის ბალანსზეა, თუმცა ის თვითმმართველობამ 2014 წლის 4 ივნისს უზურფრუქტის წესით (ხელშეკრულება N36) სააგენტოს გადასცა. საკრებულოსა და სააგენტოს შორის გაფორმებული ხელშეკრულების თანახმად, 4 089 კვადრატულ მეტრ მიწაზე განლაგებულ ორ ობიექტში სწავლებისა და გადამზადების ცენტრი უნდა გაიხსნას.

[თამუნა უჩიძე, ახალციხე]