‘ოცნების’ აქტივისტების პროტესტი გამგებლის მოადგილის მოხსნის გამო [Video]

აქციის დასასრულს მხოლოდ ის გახდა ცნობილი, რომ პარტიის თავმჯდომარე, ზაქარია ენდელაძე, მათი მოთხოვნის მიუსედავად, რიგგარეშე ყრილობის მოწვევას არ გეგმავს.



შეგახსენებთ, დღეს დილიდან ადიგენში „ქართული ოცნების“ 100–მდე მხარდამჭერი შეიკრიბა. ისინი გამგებლის, ზაქარია ენდელაძისგან, ყოფილი მოადგილის, მინდია ჯელიას გათავისულების მოტივზე პასუხის მიღებას ცდილობდნენ. მინდია ჯელია გამგებლის პირველი მოადგილის პოზიციიდან, ორი დღის წინ მოხსნეს. ამ მოვლენებს, იმპიჩმენტის წესით მოხსნილი და სასამართლოს ძალით დაბრუნებული საკრებულოს თავმჯდომარისთვის ხელახალი იმპიჩმენტის მოწყობის მცდელობა უსწრებდა, რომელიც ერთი ხმის გამო ჩავარდა. ხომ არ შეეწირა მოადგილის სკამი საკრებულოს თავმჯდომარის საქმეს, ამას ჯელია ვერც უარყოფს და ვერც ადასტურებს. გამგებელი კი ამ ფაქტს უარყოფს და ამბობს, რომ მოადგილის გათავისუფლება მისი პირადი გადაწყვეტილება იყო.

[ლუბა გიორგაძე, ბექა გასიტაშვილი, ადიგენი]