ადიგენში ‘ოცნების’ მხარდამჭერები აქციას მართავენ [Photos]

ადიგენის ცენტრში, გამგეობის შენობასთან, ამ დროისათვის 100–მდე ადამიანია შეკრებილი. „ქართული ოცნების“ აქტივისტები დაბაში ადიგენის სოფლებიდან ჩამოვიდნენ. ისინი ადიგენის გამგებლის მოადგილის, მინდია ჯელიას თანამდებობიდან გათავისუფლბას აპროტსტებენ და რამდენიმე მოთხოვნა აქვთ.

შეკრებილებს რამდენიმე მოთხოვნა აქვთ, ისინი ადიგენის გამგებლის, ზაქარია ენდელაძისგან, რომელიც ამავე დროს პარტიის თავმჯდომარეა ადიგენში, ითხოვენ პასუხს კიტხვაზე, რატომ გაათავისუფლა პირველი მოადგილე;

ასევე, აქტივისტები პარტიის რიგგარეშე ყრილობის მოწვევასა და ახალი ხელმძღვანელების არჩევას მოითხოვენ.

შეგახსენებთ, ადიგენის გამგებელმა ზაქარია ენდელაძემ, პირველი მოადგილე, მინდია ჯელია, 20 თებერვალს, თანამდებობიდან მოხსნა. გამგებელს ოფიციალური მიზეზები არ განუმარტავს. მიზეზებზე ვერც თავად ყოფილი მოადგილე საუბრობს. თუმცა, თვითმმართველობის სხვა წევრები ამბობენ, რომ ჯელია ადიგენის მუნიციპალიტეტის საკრებულოს თავმჯდომარის ლევან ლობჯანიძის საქმეს შეეწირა. შეგახსენებთ, ლევან ლობჯანიძეს, რომელიც საკრებბულოს თავმჯდომარის პოზიციას, იმპიჩმენტიდან ორი წლის შემდეგ, სასამართლოს გადაწყვეტილების შედეგად დაუბრუნდა, საკრებულო კვლავ იმპიჩმენტს უპირებდა, თუმცა, მისი პოზიციიდან გადაყენების მომხრე დეპუტატეს ერთი ხმა დააკლდათ. თვითმმართველობის წევრები, რომელბმაც ვინაობის გასაჯაროება არ ისურვეს, ამბობენ, რომ დეპუტატებზე გავლენა ჯელიას უნდა მოეხდინა, მან კი ეს საკითხი ლობჯანიძის სასარგებლოდ გადაწყვიტა.







[ლუბა გიორგაძე, ნინო ნარიმანიშვილი, ადიგენი]