სოფელ ურაველში საბავშვო ბაღი გაიხსნა

დღეს, 2 თებერვალს ახალციხის მუნიციპალიტეტის სოფელ ურაველში ახალი საბავშო ბაღის გახსნას ადგილობრივი თვითმმართველობისა და სამხარეო ადმისნიტრაციის წარმომადგენლები დაესწრნენ.

ახალ გახსნილ ბაღში 10 ადგილობრივი დასაქმდა. აქ სიით 42 ბავშვია რეგისტრირებული. სკოლამდელი აღზრდის დაწესებულება პატარებს სამი სოფლიდან მიიღებს.

„ყველა ნორმის დაცვით, სამჯერადი კვებით, ჩვეულებრივ რიტმში მუშაობას ბაღი ხვალიდან დაიწყებს“, – ამბობს ურაველის საბავშვო ბაღის მენერეჯი ნინო ჯინჭველაძე.

ბაღის რეაბილიტაციისთვის ადგილობრივი ბიუჯეტიდან 50 000 ლარამდე დაიხარჯა. თანადაფინანასებით კი „ვორლდ ვიჟენმა“ 32 700 ლარი მიშენებული ნაწილის რეაბილიტაცისთვის დახარჯა.

ახალციხის მუნიციპალიტეტის გამგებლის ზაზა მელიქიძის განცხადებით, მიმდინარე წელს ურაველის საბავშვო ბაღის გახსნამდე, ახალი ბაღი გაიხსნა ვალეში, ე.წ. მეორე შახტის დასახლებაშიც.

„ახალი ბაღი გაიხსნება მინაძეშიც, ასევე, მიმდიანრეობს ფერსა–მუგარეთის საბავშვო ბაღის რეაბილიტაცია. კლდის საბავშვო ბაღის რეაბილიტაცისთვის კი გეგმა შევადგინეთ. პროექტირება მიმდინარეობს წყალთბილის, სხვილისის ბაღების. ეს ყველა პროექტი 2016 წელს დასრულდება“, – აცხადებს ზაზა მელიქიძე.



[თამუნა უჩიძე, ახალციხე]