დღეს ადიგენის საკრებულო ლევან ლობჯანიძის იმპიჩმენტზე იმსჯელებს

ლობჯანიძე, დეპუტატებმა იმპიჩმენტის წესით ერთხელ უკვე გადააყენეს – 2014 წლის მარტში, თუმცა, მან სასამართლოს მიმართა და საქმე სამივე ინსტაციაში მოიგო.

იმპიჩმენტის წესით გადაყენებული და სასამართლოს ძალით დაბრუნებული ლევან ლობჯანიძე, საკრებულოში მუშაობას 7 თებერვალს შეუდგა. თუმცა, მეორე დღესვე, საკრებულოში მისი გადაყენების მოთხოვნით განცხადება შევიდა.

როგორც ადგილობრივ თვითმმართველობაში აცხადებენ, საკრებულოს თავმჯდომარის იმპიჩმენტის წესით გადაყენებისთვის 10 დეპუტატის თანხმობაც საკმარისია. საკრებულოში სულ 30 დეპუტატია, განცხადებას კი ხელს 13 დეპუტატი აწერს.

„სამხრეთის კარიბჭე“ ადიგენში იმყოფება. თვალი ადევნეთ ვებგვერდს.

[sknews.ge]