ადიგენის საკრებულო ლევან ლობჯანიძის იმპიჩმენტის წესით გადაყენებაზე 15 თებერვალს იმსჯელებს

"მხოლოდ იმპიჩმენტის საკითხს განვიხილავთ", – განაცხადა სატელეფონო საუბარში ადიგენის საკრებულოს თავამჯდომარის მოადგილემ თამაზ ძაძამიამ.

სხდომას საკრებულოს თავმჯდომარე ლევან ლობჯანიძეც დაესწრება, რომელიც სიტყვით გამოსვლას გეგმავს.

"მინდა დაასახელონ ტეპუტატებმა მიზეზი, რატომ უნდათ ჩემი გაწირვა", – ამბობს ლევან ლობჯანიძე.

შეგახსენებთ, რომ ლევან ლობჯანიძის მეორედ იმპიჩმენტის წესით გადაყენების შესახებ, ადიგენის საკრებულოში განცხადება 8 თებერვალს შევიდა. 30 დეპუტატიდან განცხადებას ხელს 13 დეპუტატი აწერს. თავმჯდომარის იმპიჩმენტის წესით გადაყენებისთვის კი 10 დეპუტატის თანხმობაც საკმარისია.

ლევან ლობჯანიძე ადიგენის საკრებულოს თავმჯდომარეობიდან, პირველად იმპიჩმენტის წესით, 2015 წლის 4 მარტს გადააყენეს, 17 ხმით 10–ის წინააღმდეგ. ლობჯანიძემ გადაყენება უკანონოდ მიიჩნია, სასამართლოს გზით იბრძოლა და სამივე ინსტანცია მოიგო.

უზენაესი სასამართლოს გადაწყვეტილების თანახმად, საკრებულო ვალდებული იყო ყოფილი თავმჯდომარე პოზიციაზე აღედგინა და მისთვის 23 თვის იძულებით განაცდური აენაზღაურებინა, რაც 60, 950 ლარს შეადგენს.

საკრებულომ ლობჯანიძე პოზიციაზე 7 თებერვლის სხდომაზე აღადგინა, თუმცა ერთი დღის შემდეგ, 8 თებერვალს დეპუტატებმა მისი ხელმეორედ გადაყენების საკითხი დააყენეს.

[თინათინ ზაზაძე, ადიგენი]