‘გულანის’ პრეზენტაცია ეროვნულ ბიბლიოთეკაში

უნივერსიტეტის რექტორმის, ასევე, კრებულის რედაქტორის, მერაბ ბერიძის თქმით, 2008 წელს კრებულის შექმნა რამდენიმე მიზანს ისახავდა: „ეს იყო თბილისის სახელმწიფო უნივერსიტეტში არსებული „საენათმეცნიერო საუბრების“ ტრადიციის გაგრძელება, ახალგაზრდა მეცნიერთა ხელშეწყობა, არა მხოლოდ ენათმეცნიერების, არამედ ჰუმანიტარულ და სხვა მეცნიერებათა წარმომადგენლებისათვის საპრეზენტაციო კათედრის დათმობა“.

მერაბ ბერიძემ იმ ადამიანებზე ისაუბრა, ვისაც გამოცემასთან გარკვეული შეხება ჰქონდათ: „ვალერი სილოგავა გამორჩეული მეცნიერი და პიროვნება გახლდათ, მას კარგად ესმოდა ჩვენი უნივერსიტეტის მისია და დანიშნულება. მისი შრომები სამცხე-ჯავახეთისა თუ ისტორიული ტაო-კლარჯეთის ეპიგრაფიკის, ისტორიის საკითხებზე გამორჩეული მნიშვნელობისა და დონისა იყო“.

სამეცნიერო-აკადემიური მოღვაწეობისა და „გულანის“ სარედაქციო-საგამომცემლო საქმიანობაში განსაკუთრებული დამსახურებისათვის, სამცხე-ჯავახეთის სახელმწიფო უნივერსიტეტის მედლით დაჯილდოვდა რედაქტორის მოადგილე, პროფესორი ნესტან სულავა.

უნივერსიტეტმა საზოგადოებას „გულანის“ 20 ნომერი წარუდგინა.



[sknews.ge]