ვანო მერაბიშვილის დედის მიერ მოსწავლეების გალახვას ფსიქოლოგი ეხმაურება

მოსწავლეებზე რაიმე ფორმის ძალადობას ფსიქოლოგი ყველაზე დიდ დანაშაულად მიიჩნევს და აქვე ამბობს, რომ ამ კონკრეტულ შემთხვევაში ყველაზე დიდი პრობლემა მშობლების დუმილია.

”ძალადობას შემთხვევაში ამას ყველაზე მეტად მოზარდი განიცდის, ბავშვი დიდი სტრესის ქვეშ ექცევა, ამიტომ ის დაცული უნდა იყოს უფროსებისგან”, - აცხადებს კობალაძე.

ფსიქოლოგი მშობლების დუმილს ვერაფრით ხსნის: ”ვერ ვხვდები, მშობელი როგორ უნდა შეგაშინოს ისე ვიღაცამ, რომ ხმა არ ამოიღო შვილის ცემაზე. მხოლოდ მშობლები კი არა, მთელი საზოგადოება ფეხზე უნდა დადგეს”.

კობალაძის განამარტებით, შესაძლოა ძალადობის მსხვერპლში რაიმე გამოვლინებას ადგილი მაშინვე არ ჰქონდეს, თუმცა, ის რომ ”მსხვერპლი ყველზე დიდი მოძალადე ხდება, ყველამ იცის. შესაძლოა რომელიმე მოსწავლე პედაგოგი გახდეს და ისევე ურტყას ბავშვებს, როგორც ამას მის შემთხვევაში აკეთებდნენ”.

ფსიქოლოგის თქმით, იმ შემთხვევაში, თუ მშობელი ბავშვს ეტყვის, ამაზე ხმას ნუ ამოვიღებთო და მთელი საზოგადოებაც გაჩუმდება, მოზარდი საკუთარ თავს ეტყვის, რომ მომხდარი მისი ბრალია. ამიტომ ბავშვი იმასთან ერთად რომ მსხვერპლია, თავს დამნაშავედაც მიიჩნევს, რაც მისთვის გამანადგურებელია.

”თქვენ სტატიაში წერია, რომ ერთი გოგონა ისტერიკაში ჩავარდა, ვერ წარმომდიგენია ეს ბავშვი ისევ იმ სკოლაში როგორ უნდა მივიდეს, სადაც ისევ ის დირექტორი და იგივე გარემო დახვდება. ვფიქრობ, ამ საქმეში ყველა უფლებადამცველი ორგანიზაიცია უნდა ჩაერთოს”, - ამბობს კობალაძე.

შეგახსენებთ, რომ ახალციხის მეხუთე საჯარო სკოლის მოსწავლეები და დამლაგებელი ამავე სკოლის დირექტორს, ჟენია მერაბიშვილს ცემაში ადანაშაულებენ.

ჟენია მერაბიშვილი ”ერთიანი ნაციონალური მოძრაობის” გენერალური მდივნის, ვანო მერაბიშვილის დედაა. მოსწავლეების თქმით, დირექტორმა ისინი 13 თებერვალს სკოლაში დაგვიანების გამო სცემა.

რაც შეეხება დამლაგებელს, ჟენია მერაბიშვილსდამლაგებელთან შელაპარაკება ხელფასის დაკლების გამო მოუვიდა. როგორც დამლაგებელი ამბობს, დირექტორმა ის კაბინეტში დაიბარა, ჯერ სიტყვიერი შეურაცხყოფა მიაყენა, შემდეგ კი ხელითაც შეეხო.

[თამუნა უჩიძე, ახალციხე]