ხვედელიანის საქმის განხილვა გადაიდო

პროცესი სამი საათის განმავლობაში მიმდინარეობდა. ამ ხნის განმავლობაში მხოლოდ ერთი დაზარალებული ვალერი გელაშვილი იკითხებოდა.

სასამრთლო პროცესი დახურული იყო. სასამართლოს დახურვის შესახებ შუამდგომლობა პროკურორმა დააყენა, თუმცა ის მოსამართლემ ნაწილობრივ დააკმაყოფილა.

- ’სისხლის სამართლის საპროცესო კოდექსის 182-ე მუხლის გამოყენებით, პროცესი მხოლოდ დაზარალებულის ერთ-ერთი ეპიზოდის გამოკვლევასთან დკავშირებით დავხურეთ’, - გვითხრა მოსამართლემ გოჩა ჯეირანაშვილმა.

მისივე განამრტებით, პროცესზე, გარდა ერთი დაზარალებულისა, მეტის დაკითხვა ვერ მოხერხდა: ’ვეღარ მოვასწარით, დროში ვეღარ ჩავეტიეთ’.

პროცესის დასრულების შემდეგ, პრესასთან კომენტარი მხოლოდ სამმართველოს ყოფილი თანამშრომლის, ალექსანდრე ბლიაძის (რომელიც ხვედელიანთან ერთად დააკავეს) ადვოკატმა გააკეთა.

- ’აბსურდული პასუხებია გაცემული დასმულ კითხვებზე. ალექსანდრე ბლიაძის მიმართებაში ერთი რამ გამოიკვეთა, ამოცნობის ოქმი, რომელიც ჩატარდა 29 ნოემბერს ოლქის პროკურატურაში დადასტურდა რომ ყალბია’, - განაცხადა პროცესის დასრულების შემდეგ ბლიაძის ადვოკატმა დემურ ალხაზიშვილმა.

ეს ხვედელიანის საქმესთან დაკავშირებით მეორე სასამართლო პროცესი იყო. მომდევნო პროცესი 20 თებერვალს ჩაინიშნა.

ხვედელიანს ბრალი ბრალი სისხლის სამართლის კოდექსის 144 /2 ა. ბ.ე, 143/ 3 ა, 333/ 3, ბ გ 147 / 1 და 148 მუხლებით ედება.

ხვედელიანი, 2012 წლის 30 ნოემბერს, სამცხე-ჯავახეთის საოლქო პროკურატურისა და შს მთავარი სამმართველოს თანამშრომლებმა, თბილისში დააკავეს. ხვედელიანი წლების განამვლობაში მუშაობდა ბორჯომის შს სამმართველოს უფროსის თანამდებობაზე. 2012 წლის საპარლამენტო არჩევნებში კი ”ნაციონალური მოძრაობიდან” ბორჯომის მაჟორიტარ დეპუტატად იყო წარდგენილი.

[თამუნა უჩიძე, ახალციხე]