ბორჯომის პოლიციის ყოფილ უფროსის საქმეზე დღეს განაჩენს გამოიტანენ

მამუკა ხვედელიანისა და მისი თანამშრომლების საქმის შესახებ ახალციხის რაიონული სასამართლო მტკიცებულებებს 6 თვე იკვლევდა. 20-მდე გამართული სასამართლო პროცესის შემდეგ დღეს მოსამართლე გოჩა ჯეირანაშვილი განაჩენს გამოაცხადებს.

ხვედელიანი, 2012 წლის 30 ნოემბერს, სამცხე-ჯავახეთის საოლქო პროკურატურისა და შს მთავარი სამმართველოს თანამშრომლებმა, თბილისში დააკავეს. ხვედელიანი წლების განამვლობაში მუშაობდა ბორჯომის შს სამმართველოს უფროსის თანამდებობაზე. 2012 წლის საპარლამენტო არჩევნებში კი ”ნაციონალური მოძრაობიდან” ბორჯომის მაჟორიტარ დეპუტატად იყო წარდგენილი. ხვედელიანს ბრალი სისხლის სამართლის კოდექსის 144 /2 ა. ბ.ე, 143/ 3 ა, 333/ 3, ბ გ 147 / 1 და 148 მუხლებით ედება. მისი სასამართლო პროცესები მიმდინარე წლის თებერვლიდან მიმდინარეობს.

სასამართლო პროცესს ”სამხრეთის კარიბჭეს” ჟურნალისტი ესწრება. როგორ დასრულდება პროცესი, ამის შესახებ ინფორმაციას მოგვაინებით მოგაწვდით.

[sknews.ge]