ახალქალაქსა და ნინოწმინდაში საახალწლო ღონისძიებებისთვის 16 000 ლარი დაიხარჯება

ნინოწმინდის მუნიციპალიტეტის გამგეობაში აცხადებენ, რომ საახალწლო ღონისძიება 31 დეკემბერს ქალაქის ცენტრში გაიმართება, აქვე დაიდგმება ნაძვის ხეც.

საახალწლო ღონისძიებებისთვის ახალქალაქში ჯამში 7 500 ლარია გათავლისწინებული, აქედან 5 000 ლარი ცენტრალური ქუჩების და სკვერის მოსართავად.

საახალწლო კონცერტი ქალაქში 22:00 საათზე დაიწყება. კონცერტში მონაწილეობას ადგილობრივი შემსრულებლები მიიღებენ. თოვლის ბაბუა საჩუქრებს 350 პატარას გადასცემს.

რაც შეეხება ახალქალაქს, ადგილობრივი თვითმმართველობა საახალწლო განათებების და ფოიერვერკებისთვის 8 500 ლარს დახარჯავს.

საახალწლო კონცერტი ახალქალაქში 24:00 საათზე დაიწყება. ღონისძიებაში მონაწილეობას ადგილობრივი ანსამბლები მიიღებენ. ბავშვებისთვის საახალწლო საჩუქრები გათვალისწინებული არ არის.

[თინათინ ზაზაძე, ახალქალაქი]