ახალციხეში მთავარ ნაძვის ხეს აწყობენ [Photo]

ახალციხის მერის ვლადიმერ ზედგინიძის თქმით, ბიუჯეტში არ იყო საკმარისი თანხა იმისათვის, რომ ახალი ნაძვის ხე ან სახვა საახალწლო კონსტრუქციები შეეძინათ, ამიტომ ახალციხე 2017 წელს, წლების წინ ნაყიდი ნაძვის ხითა და საახალწლო აქსესუარებით შეხვდება.

„ნაწილ-ნაწილ ვაწყობთ ყველაფერს, რათა ქალაქი გავალამაზოთ. ახალი ნაძვის ხე ძალიან ძვირი ღირს. წელს ასე იყოს, იმედია მეორე წელს ახლებს ვიყიდით“,-განუცხადა „სამხრეთის კარიბჭეს“ ვლადიმერ ზედგინიძემ, რომელმაც ქალაქის მთავარი ნაძვის ხის მორთვის პროცესი მოინახულა.

გარდა ქალაქის მთავარი ნაძვის ხისა, ახალციხის ცენტრალურ პარკში სხვდსხვა საახალწლო კონსტრუქციაც მონტაჟდება. ამ დრომდე გრძელდება ხეებისა და განათების სვეტების საახალწლო აქსესუარებით მორთვა.

ნაძვის ხესა და ახალციხის ქუჩებში საახალწლო აქსესუარებს ტენდერში გამარჯვებული ინდმეწარმე გიორგი ჟუჟუნაძე ამონტაჟებს. მას ტენდერი 39, 614 ლარით აქვს მოგებული და ამ თანხით, ქალაქ ახალციხეში ქუჩების და სკვერების საახალწლო აქსესუარებით მორთვა და 31 დეკემბერს ღონისძიების ჩატარება ევალება.

საახალწლო ღონისძიებები ახალციხის ცენტრალურ პარკში 31 დეკემბერს დაიწყება. 14:00 დან-18:00 საათამდე პატარებისთვის მოეწყობა კოსტიუმირებული ღონისძიება მოხალისე მსახიობებთან ერთად.

ახალციხის მერია 500 პატარას საჩუქრად ბურთებსა და ტკბილეულს გადასცემს.

23:00 საათზე კი საახალწლო კონცერტი დაიწყება, რომელიც ფოიერვერკით დასრულდება. ვინ მიირებს კონცერტში მონაწილეობას, ამ ეტაპზე უცნობია.













[ლუბა გიორგაძე, ახალციხე]