ახალციხეში მთავარი ნაძვის ხე გაანათეს [Photo]

ქალაქის მთავრი ნაძვისხე ახალციხის მერმა ვლადიმერ ზედგინიძემ პატარებთან ერთად აანთო.

„გავანათეთ ჩვენი მთავარი ნაძვის ხე, ამით გვინდა ჩვენს ახალციხელებს დავულოცოთ ბედნიერი ახალი წელი. მამლის წელმა უნდა შემოიტანოს, სიკეთე, სილამაზე და სიჯანსაღე ქვეყანაში, ასეთია ჩვენი განწყობა“, - აღნიშნა ქალაქის მერმა ვლადიმერ ზედგინიძემ.

ქალაქის მთავარი ნაძვის ხის სიმაღლე ექვსი მეტრია. ცენტრალურ პარკში, ქალაქის მთავარი ნაძვის ხის კონსტრუქცია გუშინ, 25 დეკემბერს ააწყეს. ახალციხის მერიაში ამბობენ, რომ ბიუჯეტში არ იყო საკმარისი თანხა ახალი ნაძვის ხის შესაძენად, ამიტომ ახალციხე 2017 წელს, წლების წინ ნაყიდი ნაძვის ხითა და საახალწლო აქსესუარებით ხვდება.

გარდა ქალაქის მთავარი ნაძვის ხისა, ახალციხის ცენტრალურ პარკში სხვდსხვა საახალწლო კონსტრუქციაც დამონტაჟდა. მოირთო, ხეებისა და განათების სვეტები.

ნაძვის ხესა და ახალციხის ქუჩებში საახალწლო აქსესუარებს ტენდერში გამარჯვებული ინდმეწარმე გიორგი ჟუჟუნაძე ამონტაჟებს. საახალწლო სამზადისისა და ღონისძიებებისთვის, ახალციხის ადგილობრივი ბიუჯეტიდან 39, 614 ლარი იხარჯება.

საახალწლო ღონისძიებები ახალციხის ცენტრალურ პარკში 31 დეკემბერს დაიწყება. 14:00 დან-18:00 საათამდე პატარებისთვის მოეწყობა კოსტიუმირებული ღონისძიება მოხალისე მსახიობებთან ერთად.

ახალციხის მერია 500 პატარას საჩუქრად ბურთებსა და ტკბილეულს გადასცემს.23:00 საათზე კი საახალწლო კონცერტი დაიწყება, რომელიც ფეიერვერკით დასრულდება.











[ლუბა გიორგაძე, ახალციხე]