ახალციხე საახალწლო განათებებით ირთვება

ახალციხის ქუჩებში საახალწლო აქსესუარებს ტენდერში გამარჯვებული ინდმეწარმე გიორგი ჟუჟუნაძე ამონტაჟებს.
იგი სამუშაოებს 39, 614 ლარად შეასრულებს.

როგორც ქალაქის მერიაში განმარტავენ, საახალწლო განათებებით ქალაქის მორთვა, რამდენიმე დღეში დასრულდება. 25 დეკემბერს კი ახალციხის ცენტრალურ პარკში ნაძვის ხე დაიდგმება,

საახალწლო ღონისძიებები ახალციხის ცენტრალურ პარკში 31 დეკემბერს დაიწყება. 14:00 დან-18:00 საათამდე პატარებისთვის მოეწყობა კოსტიუმირებული ღონისძიება მოხალისე მსახიობებთან ერთად.

ახალციხის მერია 500 პატარას საჩუქრად ბურთებსა და ტკბილეულს გადასცემს.

23:00 საათზე კი საახალწლო კონცერტი დაიწყება, რომელიც ფოიერვერკით დასრულდება.



[ლუბა გიორგაძე, ახალციხე]