ევროკავშირი და რელიგია – დასკვნითი შეხვედრა ახალციხეში

დღეს, 5 დეკემბერს, სამცხე–ჯავახეთში მოქმედ ლათინური და სომხური წესის მღვდლებისა და მრევლისათვის მესამე, დასკვნითი შეხვედრა ჩაატარა. იგი პროექტის "ასწავლე მაცნეს– ევროკავშირი, ადამიანის უფლებები და ოჯახური ღირებულებები“ ფარგლებში ლევან მიქელაძის სახელობის ფონდის ორგანიზაებით გაიმართა.

შეხვედრის პირველ ნაწილში მონაწილეები ვიზალიბერალიზაციის საკითხებს გაეცნენ. რას ამარტივებს უვიზო მიმოსვლა ქვეყანაში, ვის შეუძლია და რამდენი ხნით ქვეყნიდან გასვლა, – ამ საკითხებზე მათ ინფორმაცია სპეციალისტებმა მიაწოდეს.

შეხვედრის მომდევნო ნაწილში საუბარი ევროკავშირსა და რელიგიას შეეხო. კერძოდ, მონაწილეები ევროკავშირის ქვეყნებში, სეკულარიზმის კუთხით არსებულ მდგომარეობას გაეცნენ. ასევე განისაზღვრა გამოწვევები, რომლის წინაშეც საქართველო ევროკავშირში შესვლის შემთხვევაში დადგება.

"სეკულარიზმთან დაკავშირებით, ევროპაშიც დიდი კრიზისია. იმიტომ, რომ შეიცვლა რელიგიის სივრცე, სარწმუნოებრივ სივრციდან გადავიდა ეთნოკულტურულ სიმბოლოდ და დაიკარგა ერთობლივი საფუძველი იმ ღირებულებებისა, სადაც შესაძლებებლია თანაარსებობა მორწმუნე და არა მორწმუნე ადამიანებისა“, – განმარტა ილიას უნივერსიტეტის პროფესორმა ევროპისმცოდნეობაში ოლივერ რაისნერმა.

გარდა ამისა, დასკვნით შეხვედრაზე საუბარი შეეხო საქართველოსა და ევროპაში არსებულ ვითარებას რელიგიურ უმცირესობათა უფლებების დაცვის კუთხით.

"ვეცნობით იმ კანონმდებლობას, რაც არის ევროპაში რელიგიური უმცირესობებისათვის. ჩვენთან ეს საკითხი ცოტა მოიკოჭლებს, რადგან თითქმის ყველა რელიგიურ უმცირესობას საქართველოში სხვადასხვა სახის პრობლემა გვაქვს და თუ გვინდა ევროკავშირში შესვლა, უნდა ვიცოდეთ იქ რა ხდება ამ მხრივ“, – ამბობს მესხეთის დეკანოზი მამა ზურაბ კაკაჩიშვილი.

ლათინური და სომხური წესის მღვდლებისა და მრევლისათვის ევროკავშირის თემაზე ეს მესამე შეხვედრა იყო. ორგანიზატორის, ლევან მიქელაძის სახელობის ფონდის ინფორმაციით, მათ ქვემო ქართლისა და სამცხე–ჯავახეთის ეთნიკურ და რელიგიურ უმცირესობებთან მსგავსი სახის პროეტები ხშირად აქვთ.

„ჰოლანდიის საელჩოს მხადაჭერით გადაწყდა რომ დაფინანსებულიყო ასეთი პროექტი, რომელიც მიაწვდის ინფორმაციას, თუ როგორ არის რელიგიური და ეთნიკური უმცირესოებების უფლებები დაცული ევროპაში და როგორ არის საქართველოში. ჩვენი პროექტის მიზანია ევროკავშირის შესახებ ცნობიერება გაზარდოს“, –ამბობს პროექტის კოორდინატორი ნათია ღვინჯიალია.

[თაკო ფეიქრიშვილი, ახალციხე]