სასწავლო შეხვედრა ევროკავშირის თემაზე სასულიერო პირებისთვის

ეს უკვე მეორე შეხვედრა იყო ახალციხეში, რომელზეც, ასოცირების შესახებ შეთანხმებაზე, ევროკავშირის ქვეყნებში ოჯახური ღირებულებებსა და საქართველოში რელიგიური უმცირესობათა უფლებებზე იმსჯელეს.

"ევროანტლანტიკურ თემებზე ინფორმირების პრობლემა მთელს საქართველოშია. ჩვენი მიზანია მივაწოდოთ სწორი და ჭეშმარიტი ინფორმაცია“, – განაცხადა განვითარებისა და დემოკრატიის ცენტრის თავმჯდომარემ მიხეილ მირზიაშვილმა.

შეხვედრა გაიმართა პროექტის „ასწავლე მაცნეს - ევროკავშირი , ადამიანის უფლებები და ოჯახური ღირებულებები" ფარგლებში, ლევან მიქელაძის სახელობის ფონდის ორგანიზებით.

"შეხვედრები კიდევ არის დაგეგმილი, რა თქმა უნდა იმ თემებზე, რაც სხვადასხვა მრევლს აინტერესებს და მათთვის მნიშვნელოვანია, მოვამზადებთ და კვლავ გავმართავთ შეხვედრას“, – ამბობს ოლივერ რაისნერი, რომელიც ღონისძიებაში მოწვეული ექსპერტი იყო.

შეხვედრას მოდერაცია საზოგადოებრივ მაუწყებელზე პოლიტიკურმა მიმომხილველმა ირაკლი ტაბლიაშვილმა გაუწია.

ეს ამ ფონდის მეორე შეხვედრა იყო, პირველი შეხვედრა 26 ოქტომბერს გაიმართა.

პროექტის მიზანია ეთნიკური უმცირესობებით დასახლებული რეგიონების სასულიერო ლიდერების ცნობიერების ამაღლება საქართველო-ევროკავშირის თანამშრომლობაზე. პროექტი ხორციელდება ჰოლანდიის სამეფოს საელჩოს ფინანსური მხარდაჭერით.







[მარიამ ბარძიმაძე, ახალციხე]