მესამე სასწავლო შეხვედრა კათოლიკე მღვდლებისა და მრევლისთვის

სასწავლო შეხვედრა გაიმართება პროექტის „ასწავლე მაცნეს - ევროკავშირი , ადამიანის უფლებები და ოჯახური ღირებულებები" ფარგლებში. შეხვედრის თემაა: ვიზალიბერალიზაციის ფარგლებში გატარებული რეფორმები გატარებული რეფორმები, ევროკავშირი და რელიგია და რელიგიური უმცირესობათა უფლებები საქართველოსა და ევროკავშირში.


შეხვედრას ლევან მიქელაძის სახელობის ფონდი მართავს. აღნიშნულ შეხვედრას დაესწრებიან სამცხე-ჯავახეთში მოღვაწე ლათინური და სომხური წესის მღვდლები და მათი მრევლი.

ღონისძიებაში ექსპერტებად მოწვეულნი არიან: ოლივერ რაისნერი - ილიას სახელმწიფო უნივერსიტეტის სრული პროფესორი ევროპისმცოდნეობისა და კავკასიოლოგიის მიმართულებით, ქეთევან აბაშიძე -ადამიანის უფლებათა სახლების ქსელის რეგიონალური კოორდინატორი და მიხეილ მირზიაშვილი - განვითარებისა და დემოკრატიის ცენტრის თავმჯდომარე. შეხვედრას მოდერაციას გაუწევს ირაკლი ტაბლიაშვილი - პოლიტიკური მიმომხილველი საზოგადოებრივი მაუწყებელზე.

ეს ამ ფონდის მესამე შეხვედრა იქნება. პირველი შეხვედრა 26 ოქტომბერს გაიმართა, მეორე კი 26 ნოემბერს.

პროექტის მიზანია ეთნიკური უმცირესობებით დასახლებული რეგიონების სასულიერო ლიდერების ცნობიერების ამაღლება საქართველო-ევროკავშირის თანამშრომლობაზე. პროექტი ხორციელდება ჰოლანდიის სამეფოს საელჩოს ფინანსური მხარდაჭერით.

[sknews.ge]