რელიგიურ უმცირესობებს უვიზო მიმოსვლის წესებს გააცნობენ

სასწავლო შეხვედრა 9 ივნისს, ახალციხეში, სასტუმრო “ჯინო ველნეს რაბათში” 12:30 საათზე დაიწყება. იგი პროექტის “ასწავლე მაცნეს” ფარგლებში, ლევან მიქელაძის სახელობის ფონდის ორგანიზებით, გაიმართება.

შეხვედრას სამცხე-ჯავახეთში მოღვაწე ლათინური და სომხური წესის კათოლიკე სასულიერო პირები, სომეხთა სამოციქულო მართლმადიდებელი წმინდა ეკლესიის მღვდლები და მათი მრევლი დაესწრება .

შეხვედრის თემებია: უვიზო მიმოსვლის წესები და პროცედურები, ევროკავშირის ინსტიტუტები, რელიგიური უმცირესობები და საკულტო ნაგებობები; რელიგიის სწავლება და განათლება და სახელმწიფოს სპეციალური ურთიერთობა რელიგიურ ინსტიტუტებთან .

პროექტს " ასწავლე მაცნეს" „ლევან მიქელაძის სახელობის ფონდი“ ჰოლანდიის საელჩოს ფინანსური მხარდაჭერით ახორციელებს. იგი 15 მაისს დაიწყო და 12 თვის განმავლობაში გაგრძელდება.

პროექტის მიზანია უმცირესობათა ინტეგრაციის ხელშეწყობა, ასევე დისკრიმინაციისა და სტიგმატიზაციასთან ბრძოლის მიზნით რელიგიური ლიდერების შესაძლებლობების გაძლიერება ადამიანის უფლებათა დაცვისა და შესაბამისი საერთაშორისო ინსტიტუტების შესახებ ცნობიერების ამაღლების გზით.

[sknews.ge]