ახალციხის თემის საკრებულოში ახალი ფრაქცია 'ერთობა' შეიქმნა

ახლადშექმნილი ფრაქციის შესახებ ინფრიმაცია დეპუტატებმა საკრებულოს სხდომაზე ცნობად მიიღეს.

„ერთობას“ უკვე დაშლილი ფრაქცია „რესპუბლიკელების“ ხელმძღვანელი სოსო კაპანაძე ჩაუდგა სათავეში.

რა გახდა საფუძველი ახალი ფრაქციის შექმნის და რა ინიციატივებს შესთავაზებენ საკრებულოს, ამ თემაზე სოსო კაპანაძე არ საუბრობს: „ყველაფერს გავაკეთებთ იმისთვის, რომ ხალხს ვასიამოვნოთ“.

ახლადშექმნილ ფრაქციაში სოსო კაპანაძესთან ერთად დეპუტატები მაია ინასარიძე და მერი ხაბეიშვილი არიან.

როგორც იურიდიული სამსახურის უფროსი თამარ გოგინაშვილი განმარტავს, სამივე დეპუტატი უპარტიოა.

შეგახსენებთ, რომ „რესპუბლიკური პარტია“ ახალციხეში დაახლოებით 20–მდე წევრმა დატოვა, მათ შორის ქალაქ ახალციხის საკრებულოს თავმჯდომარის მოადგილე თამარ გოგოლაძემაც. გოგლაძემ პარტიიდან წასვლის შესახებ განცხადება 4 ნოემბერის დაწერა.

სოსო კაპანაძის პარტიის დატოვების გამო დაიშალა ახალციხის თემის საკრებულოშიც ფრაქცია „რესპუბლიკელებიც“.

[თინათინ ზაზაძე, ახალციხე]