”ნაციონალებმა” ახალი ფრაქცია შექმნეს

ფრაქციის ჩამოყალიბების იდეა საკრებულოს წევრს, დავით ოგანეზიანს ეკუთვის.

”ჩვენ მიკერძოებული არ ვიქნებით. უფრო გამჭირვალე რომ ყოფილიყო ყველაფერი, ამიტომ გადავწყვიტეთ ფრაქციის შექმნა, რაშიც მხარი საკრებულოს სხვა წევრებმაც დაგვიჭირეს”,- განმარტავს ფრაქციის თავმჯდომარე დავით ოგანეზიანი.

ფრაქცია სამი წევრისგან შედგება. სამივე წევრი მანამდე ”ნაციონალური მოძრაობის” პარტიის რიგებში ირიცხებოდნენ. იოსებ გავაშელაშვილი და გივი გიქოშვილი მაჟორიტარული სიით იყვნენ, ხოლო დავით ოგანეზიანი პროპორციულით.

ახლადშექმნილ ფრაქციაში არ გამორიცხავენ, რომ მათი წევრების რაოდენობა კიდევ გაიზარდოს.

[თინათინ ზაზაძე, ადიგენი]