ბორჯომის საკრებულოში ორი ფრაქცია დარეგისტრირდა

ფრაქციების დარეგისტრირების შესახებ საკრებულოს დეპუტატებმა ინფორმაცია დღეს, 25 აპრილს გამართულ საკრებულოს სხდომაზე, ცნობად მიიღეს.

„ქართული ოცნება–კონსერვატორებს“ ვარლამ ხვინგია, ხოლო „ქართული ოცნება–მრეწველებს“ ივანე შალუტაშვილი უხელმძღვანელებს.

შეგახსენებთ, რომ ბორჯომის საკრებულოში ორი ახალი ფრაქციის შექმნის მიზნით „ოცნების“ პარტია სამმა დეპუტატმა იანვარში დატოვა. იმისთვის, რომ საკრებულოში მეტი ფრაქცია შექმნილიყო ანდრო გედიაშვილი „კონსერვატორებში“ გადავიდა, ხოლო ივანე შალუტაშვილი და ოთარ არბოლიშვილი „მრეწველებში“.

მიუხედავად პარტიების შეცვლისა, ბორჯომის საკრებულოს ოპოზიცურმა წევრებმა ახალი ფრაქციების შექმნას მხარი არ დაუჭირა, ამიტომ დეპუტატებმა ახალციხის რაიონულ სასამართლოში საჩივარი შეიტანეს. ბორჯომის საკრებულოს დეპუტატები მორიგებაზე მას შემდეგ შეთანხმდნენ, რაც საკრებულოს თავმჯდომარე, ზაზა ჩაჩანიძე გადააყენეს.

[თინათინ ზაზაძე, ბორჯომი]