ადიგენიდან სამი მეჩეთი სარგებლობის უფლებით მუსლიმთა სამმართველოს გადაეცა

ამის შესახებ გადაწყვეტილება რელიგიის სახელმწიფო სააგენტოში დღეს, 28 ნოემბერს სხდომაზე მიიღეს. ეს პირველი შემთხვევაა, როცა სამცხე–ჯავახეთში არსებული მეჩეთების სამუფთო სამმართველოსთივს გადაცემის საკითხზე იმსჯელეს.

„კომისიის მუშაობა უკვე დასრულდა და ეს საკითხი დადებითად გადაწყდა. ჯამში სამუფთო სამმართველოს 21 მეჩეთი გადაეცა. მათო შორის არის ადიგენში მდებარე მეჩეთები“, – ამბობს რელიგიის სახელმწიფო სააგენტოს თავმჯდომარე ზაზა ვაშაყმაძე.

ნამინაურში, კეხოვანსა და ღორძეში არსებული მეჩეთები ბოლო ექვსი წლის განმავლობაში, 2010 წლის შემდეგ აშენდა, თუმცა არცერთი მათგანი ამ დრომდე სამუფთო სამმართველოსთვის გადაცემული არ იყო.

„ენერგო–პრო–ჯორჯიამ", როცა სოფლებში გამრიცხველიანებას აკეთებდა, მეჩეთებში არ დენი არ შეგვიყვანა, რადგან დოკუმენტები არ იყო წესრიგში. ამის მერე აზომვითი ნახაზები გავაკეთე, ყველა დოკუმენტი მოვაწესრიგე და რელიგიის სახელმწიფო სააგენტოს გადავეცი“, – ამბობს მამუკა ვაშაყმაძე.

როგორც "ადამიანის უფლებების სწავლებისა და მონიტორინგის ცენტრის" იურისტი ეთერ გვრიტიშვილი გვიხსნის მეჩეთები სამუფთო სამმართველოს მხოლოდ სარგებლობის უფლებით გადაეცემა: „სახელმწიფო ქონების შესახებ კანონში არსებობს გარკვეული ხარვეზი, რომელიც სახელწმიფო ქონების გადაცემას საკუთრების უფლებით უშვებს მხოლოდ საპატრიარქოსთან.სხვა რეგლიგიური ორგანოზაცეიბისთივს დასაშვები სარგებლობის უფლებაა მხოლოდ“.

მისივე თქმით, მეჩეთების გადაცემის საკითხს რელიგიის სახელმწიფო სააგენტო პროაქტიული სახით არ განიხილავს: „გადაცემა მხოლოდ სამუფთოს მოთხოვნით ხდება. სარგებლობის ვადად კი 99 წელი ან განუსაზღვრელი პერიოდი ეთითება“.

ამ დროისთვის სამცხე–ჯავახეთში 50–მდე მეჩეთია, აქედან მოქმედი მხოლოდ 13–ია. ერთი ნინოქმინდაში, ორი ახალაქალაში, ორი ასპინძაში, ერთი ახალციხეში დანარჩენი კი ადიგენშია.

„2015 წლის ბოლოს არსებული მონაცემების მიხედვით, ამ დრომდე სამუფთო სამმართველოსთვის გადაცემული 80–მდე მეჩეთია. აქედან ყველა მოქმედია. მათი დიდი ნაწილი კახეთში, ქვემო ქართლსა და აჭარაში მდებარეობს. სამცხე–ჯავახეთიდან აქამდე გადაცემული არცერთი არ იყო“, – ამბობს გვრიტიშვილი.

[თამუნა უჩიძე, ადიგენი]