'ჩემი აწყურელი მამა' – ახალციხეში კამილ მამუკაძის გამოფენა გაიმართება

გამოფენა გაიხსნება 2016 წლის 18 ნოემბერს 12:00 სთ-ზე ახალციხის ციხეში, რაბათში, ციტადელში.

1939 წლამდე მხატვარის მამის გვარი ყოფილა ჰაჯიევი. კამილის მშობლები 1944 წელს საქართველოდან, კერძოდ სოფელ აწყურიდან გადაასახლეს უზბეკეთში. 1952 წელს როდესაც მომავალი მხატვარი დაიბადა, მისი მშობლები კვლავ განსაკუთრებული კონტროლის ქვეშ ცხოვრობდნენ. 1989 წელს ფერგანაში მომხდარი ტრაგიკული-კონფლიქტის შემდეგ კამილის ოჯახმა დატოვა უზბეკეთი და ყაზხეთს შეაფარა თავი. კამილს აქვს არასრული სამხატვრო განათლება.

ამჟამად მხატვარი ცხოვრობს ქალაქ ესიკში, ტიან შანის მთებში, ლეგენდარული „ოქროს კაცის“ ყორღანთან ახლოს.

კამილ მამუკაძეს 90-ზე მეტ გამოფენაში აქვს მონაწილეობა მიღებული. ყველა, ვინც „ყაზახეთის შვეიცარიას“ ეწვევა, თან მიაქვს კამილის მიერ შერულებული უმშვენიერესი პეიზაჟები. მათ შორის იყო ცნობილი მომღერალი, პლაჩიდო დომინდო, რომელმაც პირადი კოლექციისთვის შეიძინა მამუკაძის ნახატი.

კამილ მამუკაძის ოცნებაა ეწვიოს წინაპართა მხარეს და დახატოს აწყურის ციხე.

[sknews.ge]