ახალციხის ციხეში ადგილობრივი მხატვრის გამოფენა გაიხსნა

„ბავშვობიდან ვხატავ, შეიძლება ითქვას, რომ ლაპარაკთან ერთად ხატვაც დავიწყე. აქ სულ 49 ნამუშევარია, მათზე 3–4 წლის განმავლობაში ვმუშაობდი. ეს მხოლოდ ნაწილია ჩემი ნამუშევრების“,–ამბობს მხატვარი.

ნამუშევრებში პორტრეტები, და რელიგიური თემატიკა სჭარბობს.

„ყველაფერზე ვხატავ, აქ ძირითადად ტილოზე შესრულებული ნახატებია წარმოდგენილი. ერთი ნახატი მაქვს, სადაც ჩემი სიზმარია წარმოჩენილი. დამესიზმრა, რომ ვიოლინოზე ვუკრავდი, ალბათ იმიტომ, რომ არ მეხერხება არაფერზე დაკვრა, თუმცა ყოველთვის ძალიან მინდოდა მცოდნოდა“, – ამბობს თამარ თამარაძე.

ეს თამარაძისთვის მსგავსგი მასშტაბის პირველი გამოფენაა.

გამოფენა ახალციხის ციხის ორგანიზებით გაიმართა.

„თამარ თამარაძის ნამუშევრები ერთი თვის განმავლობაში იქნება ციტადელზე. საკმაოდ საინტერესო ნამუშევრები აქვა და მნახველსაც ძალიან დააინტერესდება. ერთი თვის შემდეგ სხვა მხატვრის ნამუშევრებს გამოვფენთ“,– განაცხადა ახალციხის ციხის დირექტორმა ზაზა თამარაშვილმა.









[მარიამ ბარძიმაძე, ახალციხე]