დაბრუნება ნახატებით, 72 წლის შემდეგ [Photo]

ახალციხის ციხის ციტადელში კამილ მამუკაძის 15 ნახატი გამოიფინა. ნამუშევრებში პეიზაჟები და პორტრეტები ჭარბობდა.

„ეს ალმაატის პეიზაჟებია, პორტრეტებზი კი ის ადამიანები არიან გამოსახული, რომლებიც ჩემი აზრით, პატივცემული და კეთილშობილი ადამიანები არიან და იმსახურებენ დაფასებას. სწორედ ასეთ, კეთილშობილ ადამიანებზე დგას დედამიწა“, – ამბობს მხატვარი.

კამილ მამუკაძე წარმოშობით მესხეთიდანაა. მისი მამა ანვარი, სოფელ აწყურში დაიბადა და ერთ–ერთია იმ ასობით მუსლიმ მესხს შორის, რომლებიც 1944 წელს გადაასახლეს შუა აზიაში.

„72 წლის შემდეგ დავბრუნდი, ჩემს ნახატებთან ერთად. მშობლები ყოველთვის კარგ ისტორიებს გვიყვებოდნენ საქართველოს შესახებ, როგორ კარგად ცხოვრობდნენ აქ სომხებთან, ქართველებთან და ებრაელებთან ერთად. ძალიან ღრმა და სასიამოვნო გრძნობა მაკავშირებს საქართველოსთან“, – გვეუბნება კამილ მამუკაძე და ამატებს, რომ მისი შემდგომი გამოფენა ამ ქალაქში აუცილებლად მოეწყობა და მისი თემატიკა მშობლიური მხარე იქნება, უფრო კონკრტულად, აწყური.

კამილ მამუკაძის ნახატები ახალციხის ციხის ციტადელის საკონფერენციო დარბაზში 27 ნოემბრამდე დარჩება. დათვალიერება დმსურველებს ციხის მუშაობის საათებში შეეძლებათ.









მარიამ ბარძიმაძე, ახალციხე]