ენერგოდაზოგვის დღე ახალციხეში [Photo]

დილით, სამცხე-ჯავახეთის სახელმწიფო უნივერისტეტიდან ქალაქის ცენტრისკენ, ახალგაზრდებმა მოაწყეს მსვლელობატრანსფარანტებით, რომლებზეც იყო ინფორმაციები ენერგოეფექტურობის შესახებ.



ცენტრალურ პარკში კი ადგილობრივებს ამავე თემაზე მომზადებული საინფორმაციო ბროშურები დაურიგეს.



პარალელურად, ასევე ახალგაზრდების მონაწილეობით რაბათის შესასვლელიდან ახალციხის ხელოვნური ტბის კომპლექსამდე, ველორბოლა მოეწყო. ველორბოლის მიზანი იყო ადგილობრივებისთვის გადაადგილების ალტერნატიული ტრანსპორტის შესახებ შეეხსენებინა.



ამის შემდეგ, ახალციხის გამგეობის სხდომათა დარბაზში ახალციხის ხალგაზრდული ცენტრის დირექტორმა მარინე სუდაძემ ენერგოეფექტიანობის შესახებ პროექტის პრეზენტაცია მოაწყო. ენერგოდაზოგვისა და ენერგოეფექტიანობის შესახებ ისაუბრა საზოგადოებრივი განვითარების ახალციხის ცენტრის დირექტორმა ნუგზარ თათეშვილმაც.



პრეზენტაციების შემდეგ, სამოქალაქო განათლების პროგრამა „მომავლის თაობის“ მონაწილე კერძო სკოლის „მზექას“ მოსწავლეებმა ენერგოეფექტიანობის შესახებ მომზადებული თემები წარადგინეს. მოეწყო ნახატების გამოფენა თემაზე: „ენერგოეფექტიანობა და მე“.



დასასრულს, ახალციხის მერიისა და არასამთავრობო სექტორის წარმომადგენლების მონაწილეობით პროექტის ფარგლებში სტუდენტებისათვის გამოცხადებული კონკურსის - სამცხე-ჯავახეთში ენერგოეფექტურობა:(მზის წყლის გამაცხელებლების,მზის ხილის საშრობების, შენობების თბიზოლაციის) მარკეტინგული კვლევის სტრატეგიის შედეგები შეჯამეს და გამარჯვებულები გამოვლინეს.



ღონისძიებები სამოქალაქო საზოგადოების ადგილობრივი ენერგოეფექტურობის ქსელისორგანიზაციების - კავშირი “მეგზურისა“ და ახალციხის ახალგაზრდული ცენტრის წარმომადგენლების ინიციატივით მოეწყო, სამწლიანი პროექტის ფარგლებში, რომელიც ფინანსდება ევროკავშირის პროგრამის "ევროპის ინსტრუმენტი თანამშრომლობისა და პარტნიორობისათვის" ფარგლებში.

[sknews.ge]