ახალციხეში ენერგოეფექტიანობის საერთაშორისო დღე აღნიშნეს

„მომავლის თაობის“ ახალგაზრდებმა, დღევანდელი დღის აღნიშვნა ცენტრალური პარკიდან დაიწყეს. მოსწავლეებმა, ქუჩაში გამვლელებს ენერგოეფექტიანობის დღესთან დაკავშირებით საინფორმაციო ბუკლეტები დაურიგეს და ამ დღის მნიშვნელობაზე ესაუბრნენ.

ამის შემდეგ, ადმინისტრაციულ შენობაში, დღევანდელ დღესთან დაკავშირებით ცენტრის ახალგაზრდებმა გამოფენა „ენერგოეფექტიანობა და მე“ გამართეს. ნამუშევრები ახალციხის მერიის თანამშრომლებმა, ასევე, მიწვეულმა სტუმრება შეაფასეს და სამი გამარჯვებული გამოავლინეს.

გამოფენილი ნახატებიდან პირველი ადგილი, სვირის საჯარო სკოლის მოსწავლეს გიორგი ლაცაბაძეს ერგო, როგორც თვითონ ამბობს, ნამუშევარი ერთ დღეში დაასრულა და გამარჯვებას არ ელოდა.

„დედამიწას დიდ ზიანს ვაყენებთ, ამიტომ ჩემი ნახატი სწორედ ამას ეწინააღმდეგება. მე მზე დავხატე, რომელიც დედამიწას ბუნებრივად აწვდის მზის ენერგიას“– ამბობს, პირველი ადგილის მფლობელი გიორგი ლაცაბიძე.

სამოქალაქო განათლების პროგრამის „მომავლის თაობის“ ფარგლებში, გამარჯვებულ მოსწავლეებს, სიმბოლური საჩუქრები, წიგნები გადაეცათ.



[ვარლამ წიკლაური, ახალციხე]