რა ოდენობის ენერგიას ვხარჯავთ არაეფექტურად – ტრენინგი ახალგაზრდებისთვის

ტრენინგს სამცხე-ჯავახეთის რეგიონიდან 15 ახალგაზრდა ესწრებოდა.

"ძალიან მნიშვნელოვანია, რომ ახალგაზრდები ჩაერთნონ ენერგოეფექტურობის დანერგვის პროცესში. უფრო მეტად უნდა ვაკონტროლოთ რა ოდენობის ენერგიას ვხარჯავთ არაეფექტურად“, – ამბობს ახალციხის ახალგაზრდული ცენტრის ხელმძღვანელი მაკა სუდაძე.

ახალგაზედებთან შეხვედრამდე კვლევა ჩატარდა მოსახელობაში, ადგილობრივ თვითმმართველობაში, ბანკებსა და საგანმანათლებლო დაწესებულებებში. კვლევის მიზანი თემში ენერგოეფექტურობის მდგომარეობაზე ანალიზის გაკეთება იყო. სამომავლოდ იგეგმება ფოკუს ჯგუფებთან საინფორმაციო შეხვედრები და ფილმის გადაღება სახელწოდებით „ძველი ტრადიციები და თანამდეროვე მიდგომები ენერგო ეფექტურობაზე“.

პროექტი, რომელიც ევროკავშირის პროგრამის "ევროპის ინსტრუმენტი თანამშრომლობისა და პარტნიორობისათვის" ფარგლებში ფინანსდება, მიზნად ისახავს ოთხ ქვეყანაში: უკრაინაში, მოლდოვაში, საქართველოსა და სომხეთში სამოქალაქო საზოგადოების ორგანიზაციების რეგიონული ქსელის შექმნასა და ენერგოეფექტურობის სფეროში მათი უნარების გაძლიერებას.

პროექტს ახორციელებს საერთაშორისო საზოგადოებრივი ორგანიზაცია "ევროპის ქალები საერთო მომავლისათვის“ (WECF), პარტნიორებთან ერთად: Ecoclub (უკრაინა), Gutta-კლუბი (მოლდოვა), საზოგადოებრივი განვითარების ახალციხის ცენტრი (საქართველო).


[sknews.ge]