პროგრამა ‘მომავლის თაობამ’ მუშაობა შეაჯამა

ღონისძიება გუშინ, 15 ივნისს, ახალქალაქში გაიმართა. პროგრამის განმახორციელებელი ორგანიზაციის, ახალციხის ახალგაზრდული ცენტრის ხელმძღვანელმა მაკა სუდაძემ პროგრამის ფარგლებში რეგიონში განხორციელებული პროექტებისა და მიღწევების შესახებ ისაუბრა.

პროექტის ფარგლებში ჩატარებული ღონისძიებების შესახებ პრეზენტაციები მოაწყეს და პროექტის შეგედები გაიხსნეს „მომავლის თაობაში“ ჩართულმა სამცხე–ჯავახეთის სკოლებმაც.

ახალქალაქში გამართულ ღონისძიებას არასამთავრობო სექტორისა და ადგილობრივი თვითმმართველობის წარმომადგენელბი დაეწრნენ.
ღონისძიების დასასრულს პროგრამა „მომავლის თაობის“ რეგიონული არასამთავრობო ორგანიზაციების ქსელის მენეჯერმა თამუნა ფრუიძემ პროგრამაში ჩართული სკოლებს სამოქალაქო განათლების პროგრამის ტექნიკის კონკურსში გამარჯვებული პედაგოგები და სკოლები დააჯილდოვა. ასევე დაჯილდოვდა „სოციალური მედია დადებითი ცვლილებებისათვის“ ფარგლებში გამარჯვებული.

გარდა ამისა ახალციხის ახალგაზრდული ცენტრის ხელმღვანელმა აქტიურ და წარმატებულ სკოლებს საკანცელარიო ნივთები გადასცა.
შეგახსენებთ, რომ სამოქალაქო განათლების პროგრამა – „მომავლის თაობა“ საქართველოს მასშტაბით 480 სკოლაში ხორციელდება, აქედან 42 სკოლა სამცხე–ჯავახეთშია.

პროგრამას ახორციელებს PH international–ი ამერიკის საერთაშორისო სააგენტოს USAID–ის ფინანსური მხარდაჭერით.



[ვარლამ წიკლაური, ახალციხე]