ბესიკ ხითარიშვილი მოსახლეობის კითხვებს უპასუხებს

ON-LINE- კონფერენცია 14:00 საათზე დაიწყება და ერთი საათის განმავლობაში გაგრძელდება. სადაც მოსახლეობას საშუალება ექნება მათთვის საინტერესო კითხვაზე პასუხი ახალციხის მუნიციპალიტეტის გამგებლის მოვალეობის შემსრულებლისგან მიიღოს. ბესიკ ხითარიშვილი კითხვებს ON-LINE- რეჟიმში უპასუხებს. თუმცა, მოსახლეობას კითხვების გაგზავნა ახალციხის მუნიციპალიტეტის FACEBOOK- ის ოფიციალურ გვერდზე წინასწარ, მთელი კვირის განმავლობაში შეუძლია.

ახალციხის მუნიციპალიტეტის FACEBOOK- ის ოფიციალური გვერდი პროექტ ”გამჭვირვალე თვითმმართველობის” ფარგლებში გააქტიურდა. რომელსაც არასამთავრობო ორგანიზაცია ”დემოკრატ მესხთა კავშირი” ახორციელებს.

შეგახსენებთ, რომ აღნიშნული პროექტის ფარგლებში ON-LINE- კონფერენცია ადგილობრივი თვითმმართველობის სხვადასხვა წარმომადგენელებთანაც გაიმართა. 16 ნოემბერს მოსახლეობის კითხვებს ახალციხის მუნიციპალიტეტის საკრებულოს თავმჯდომარემ ოლეგ სანდროშვილმა უპასუხა.

[თამარ თოთაძე, ახალციხე]