ბესიკ ხითარიშვილი მოსახლეობას კიდევ ერთხელ უპასუხებს

ახალციხის მუნიციპალიტეტის გამგებლის მოვალეობის შემსრულებელი ბესიკ ხითარიშვილი ON-LINE- კონფერენციაში მონაწილეობას უკვე მეორედ მიიღებს. ახალციხის მუნიციპალიტეტის FACEBOOK- ის ოფიციალურ გვერდზე სპეციალური გამოკითხვა ჩატარდა: "ვინ გინდათ, რომ უპასუხოს თქვენს შეკითხვებს ON-LINE რეჟიმში? გთხოვთ დაწერეთ სამსახური ან კონკრეტული პიროვნება". მოსახლეობის უმეტეს ნაწილს, ვინც გამოკითხვაში მონაწილეობა მიიღო, შეკითხვები გამგებლის მოვალეობის შემსრულებელთან, ბესიკ ხითარიშვილთან აქვს. ნაწილს კი, მათთვის საინტერესო კითხვებზე პასუხების მიღება საკრებულოს თავმჯდომარისგან სურს.

- "საიტზე ჩატარებული გამოკითხვის შედეგად მოსახლეობის უმრავლესობამ სურვილი გამოთქვა, რომ მათ კითხვებზე პასუხი მუნიციპალიტეტის გამგებელს და საკრებულს თავმჯდომარეს გაეცათ“, - განმარტავს პროექტის „გამჭვირვალე თვითმმართველობის“ მედია-კოორდინატორი ჯაბა ნათენაძე და ამატებს, რომ სავარაუდოდ მომდევნო კვირას, მოსახლეობის კითხვებს მუნიციპალიტეტის საკრებულოს თავმჯდომარე უპასუხებს.

ახალციხის მუნიციპალიტეტის FACEBOOK- ის ოფიციალური გვერდი პროექტ ”გამჭვირვალე თვითმმართველობის” ფარგლებში გააქტიურდა. რომელსაც არასამთავრობო ორგანიზაცია ”დემოკრატ მესხთა კავშირი” ახორციელებს.

შეგახსენებთ, რომ აღნიშნული პროექტის ფარგლებში, ON-LINE- კონფერენცია ადგილობრივი თვითმმართველობის სხვადასხვა წარმომადგენელებთანაც გაიმართა,გასულ კვირას მოსახლეობის კითხვებს ახალციხის საზოგადოებრივი ჯანდაცვის ცენტრის ხელმძღვანელმა ფატი ხაბულიანმა უპასუხა.

[თამარ თოთაძე, ახალციხე]