არასრულწლოვანთა მიერ ჩადენილი დანაშაულები – შეხვედრა უფროსკლასელებთან

პროექტის, „საზოგადოებრივი პროკურატურა“ ფარგლებში, ახალციხის რაიონული პროკურატურის პროკურორი გელა მაღრაძე დღეს უფროსკლასელებს ახალციხის მეექვსე საჯარო სკოლაში შეხვდა.

შეხვდრა კითხვა–პასუხის რეჟიმში წარიმართა.

„განვიხილეთ ის დანაშაულები, რომლებიც გავრცელებულია არასრუწლოვნებში. ასვევე, ვისაუბრეთ არასრულწლოვანთა მართლმსაჯულებაზე – რა ასაკიდან დგება პასუხისგება და რა შეღავათებია და რა ღონისძიებები ტარდება ამ დანაშაულების თავიდან ასაცილებლად“, – ამბობს ახალციხის რაიონული პროკურატურის პროკურორი გელა მაღრაძე.

შეხვედრას მეცხრე, მეათე და მეთერთმეტე კლასების მოსწავლეები ესწრებოდნენ.

„ჩემთვის საინტერესო იყო რა შემთხვევაში ეძლეოდა არასრუწლოვანი პასუხისგებაში და როგორ ეზღუდებოდა მას თავისუფლება“, – გვითხრა მეთერთმეტეკლასელმა თაკო პეტაშვილმა.

[მარიამ ბარძიმაძე, ახალციხე]