ახალციხეში არასრულწოლოვანთა დანაშაულის პრევენციაზე იმსჯელეს

დღევანდელი შეხვედრა, რომელიც არასრულწლოვანთა შორის დანაშაულის შემცირების პროფილაქტიკას ემსახურებოდა, ახალციხის დემოკრატიული ჩართულობის ცენტრის და სამცხე–ჯავახეთის სამოქალაქო განათლების პედაგოგთა ფორუმის ინიციატივით ჩატარდა.

არასრულწლოვანთა დანაშაულება და განრიდება, წვრილმანი ხულიგნობა და ადმინისტრაციული დარღვევა, სამართლებრივი პასუხისმგებლობა და ოჯახში ძალადობა, ეს იმ თემების არასრული ჩამონათვალია რაზეც დღეს შეხვედრის მონაწილეებმა იმსჯელეს.

"ვინაიდან ახალი არასრულწლოვანთა მართლმსაჯულების კოდექსი ამოქმედდა და ეს არის სიახლე სამართლებრივ სივრცეში გვინდა, რომ ამის შესახებ ცნობიერება ამაღლდეს", – განმარტავს სამცხე–ჯავახეთის იურიდიული ბიუროს ხელმძღვანელი დავით ზარიძე.

"ასეთი ღონისძიებები საგაკვეთილო პროცესის წარმართვის დროს დაეხმარება პედაგოგებს. არსებობს სამოქალაქო განათლების პედაგოგთა სტანდარტი, აქვთ მასწავლებლის წიგნი, რომელიც არ მოიცავს მთლიან კომპეტენციას, ამიტომ საჭიროა პედაგოგების როგორც ფორმალური, ასევე არაფორმალური განათლება. ასეთი შეხვედრების დრო პედაგოგები მეტი გამოცდილებას შეიძენენ", – განაცხადა შეხვედრაზე სამცხე–ჯავახეთის სამოქაქო განათლების პედაგოგთა ფორუმის რეგიონალური საბჭოს თავმჯდომარე ნინო ნადირაძე.

[sknews.ge]